Pad Baranavičami złodziei-miełamany skrali ŭ babuli akardeon
U Baranavickim rajonie zatrymany dvoje mužčyn, jakija krali muzyčnyja instrumienty i aparaturu, paviedamiła BIEŁTA aficyjny pradstaŭnik UUS Bresckaha abłvykankama Hanna Ivaščanka.
Padrabiaznaści stali viadomyja ŭ chodzie rasśledavańnia raniej zaviedzienaj kryminalnaj spravy pa č.2 art.205 (kradziež) Kryminalnaha kodeksa.
26-hadovy viaskoviec i 30-hadovy žychar Baranavičaŭ vybili vakno ŭ domie piensijanierki ź vioski Małaja Svarotva i vykrali adtul harmonik i akardeon.
Taksama pravaachoŭnikam stała viadoma, što kryminalny duet pabyvaŭ «u haściach» jašče adnoj žycharki hetaj vioski. Z chaty mužčyny vynieśli akustyčnyja kałonki, a taksama prychapili z saboj nažoŭku i kresła. «Muzyčnyja» złodziei zatrymanyja i znachodziacca pad vartaj. Vykradzienyja rečy adabranyja.