Leta viartajecca. U vychodnyja budzie ciopła i praktyčna biez apadkaŭ
U vychodnyja čakajecca ciopłaje i kamfortnaje nadvorje. U asobnych rajonach mahčymyja daždžy, ale jany buduć karotkačasovymi. Pra heta TUT.BY raspavioŭ načalnik słužby mietearałahičnych prahnozaŭ Hidramieta Minpryrody Dźmitryj Rabaŭ.
U subotu ŭmovy nadvorja na terytoryi Biełarusi budzie vyznačać vobłaść pavyšanaha atmaśfiernaha cisku, dniom u zachodnich rajonach adabjecca ŭpłyŭ małaaktyŭnaha frantalnaha padziełu. Pieramiennaja vobłačnaść. Pieravažna biez apadkaŭ, tolki dniom pa zachadzie ŭ asobnych rajonach karotkačasovyja daždžy, mahčymy navalnicy. Viecier pieramiennych napramkaŭ 3-8 m/s. Tempieratura pavietra nočču + 6 … 12°S, dniom + 20 … 26°S.
U Minsku pieramiennaja vobłačnaść i biez apadkaŭ. Tempieratura pavietra nočču + 9 … 11 ° S, dniom + 22 … 24°S.
11 červienia nadvorje ŭ krainie budzie farmavać małaaktyŭny atmaśfierny front, jaki pryniasie ŭ asobnyja rajony karotkačasovyja daždžy. Tempieratura pavietra nočču + 8 … 15°S, dniom + 19 … 25°S, pa poŭdni da + 27°S.
U stalicy dniom mahčymy nievialiki karotkačasovy doždž. Viecier pieramiennych napramkaŭ 3-8 m/s. Tempieratura pavietra nočču + 11 … 13 ° S, dniom + 22 … 24°S.
U paniadziełak pačnie pastupać ciopłaja i vilhotnaja pavietranaja masa z paŭdniovaha zachadu Jeŭropy. Na bolšaj častcy terytoryi krainy prahnazujucca karotkačasovyja daždžy, u asobnych rajonach navalnicy. Tempieratura pavietra nočču + 9 … 14°S, dniom + 19 … 26°S, pa paŭdniovym uschodzie da + 28°S.
Tempieratura vady ŭ rekach i vadajomach składaje + 15 … 20 ° S.