Juryj Zisier: «Nie kuplajcie smart-hadzińnik G08». Raźbirajemsia, što za hadzińnik i ci varta jaho kuplać
Uładalnik partała Tut.by Juryj Zisier na svajoj staroncy ŭ Facebook padzialiŭsia dośviedam vykarystańnia kitajskaha razumnaha hadzińnika Smart Watch G08: «Spadarstva, nie paddavajciesia na rekłamu ŭ Huhle i tannaść, nie kuplajcie smart-hadzińnika G08: u im nie pracujuć dźvie traciny zajaŭlenych funkcyj, syrec niedapracavany».
U kamientarach da hetaha zapisu spadar Zisier dadaŭ, praca mienavita jakich funkcyj jaho nie zadavoliła: «Uvachodnyja zvanki nie raspaznajucca i nakiroŭvajucca na mabilnik. Naadvarot, vychodnyja, nabranyja z telefona, čamuści adrazu pieraadrasoŭvajucca na hadzińnik i hučnuju suviaź. Dźvie traciny ikonak prosta nie naciskajucca abo vydajuć «Niama SIM-kartki» ci «Niama karty pamiaci». Zamiest prahnozu nadvorja vydajucca tekstavyja paviedamleńni. Kalandar pakazvajecca u miesiačnym farmacie, ale nie klikajecca i nie naładžvajecca. Pošuk pa adrasnaj knizie adsutničaje, tolki pierabor. Cyfierbłat hadzińnika źjaŭlajecca tolki pry naciskańni knopki. I hetak dalej».
Smart-hadzińnik G08 (GT08) na Aliexpress zaraz kaštuje u siarednim $20 (kala 37 rubloŭ) i maje davoli vialiki zajaŭleny nabor funkcyj:
- praca ŭ režymie «telefon» (možna ŭstavić sim-kartu)
- kamiera
- sinchranizacyja z telefonam (padtrymlivaje Android i iOS)
- kalkulatar
- prajhravalnik muzyki
- dadatki dla biehu
- ličylnik krokaŭ
- budzilnik
- kalandar
- blutuz
- try cyfierbłaty na vybar
- batareja 380 mAh
- padtrymka karty pamiaci.
Nielha nie zaŭvažyć źniešniaje padabienstva hadzińnika da Apple Watch. Vidavočna, što dyzajniery G08 natchnialisia mienavita hetym praduktam kampanii z Kupiertyna.
I kali naŭrad ci chtości stavić pad sumnieŭ jakaść razumnych hadzińnikaŭ ad Apple, to ŭ vypadku z G08 mierkavańni pakupnikoŭ raździalilisia. Kali pačytać bolš za tysiaču kamientaraŭ da tavaru, možna zaŭvažyć, što niekatoryja ščyra zadavolenyja pakupkaj i ličać, što za takuju śmiešnuju sumu ničoha bolšaha čakać nie prychodzicca. U toj ža čas inšyja apisvajuć vialikuju kolkaść niedachopaŭ, siarod jakich taksama i tyja, pra jakija kaža Juryj Zisier.
Z adnaho boku, kožny pradukt maje adpaviadać tym charaktarystykam, pra jakija zajaŭlaje pradaviec, niezaležna ad jaho koštu. Ale ŭsio ž taki nie varta čakać ad smart-hadzińnika pa košcie futbołki takoj ža jakaści, jak ad Apple Watch ci ad Samsung Gear pa košcie nie mienš za $250.
A jak ličycie vy?