U centry Paryža aŭtamabil prataraniŭ palicejski furhon
U rajonie Jelisiejskich paloŭ u Paryžy aŭtamabil urezaŭsia ŭ furhon žandarmieryi, paśla čaho zahareŭsia. Vinavaty ŭ avaryi zahinuŭ, zajaviła ministerstva ŭnutranych spraŭ Francyi.
U vyniku incydentu, jak paviedamlaje VVS, nichto z palicejskich ci hramadzianskich nie paciarpieŭ.
U ciapierašni čas situacyja znachodzicca pad kantrolem, śćviardžajuć u palicyi. Aŭtamabil, jaki prataraniŭ palicejski furhon, praviarajuć vybuchatechniki.
EPA
Palicyja ačapiła zonu vakoł teatra Maryńji i rekamiendavała žycharam stalicy i turystam nie nabližacca da Jelisiejskich paloŭ. Začynienaja stancyja mietro Champs-Elysees-Clemenceau.
Rasśledavańnie incydentu na Jelisiejskich palach daručanaje antyterarystyčnamu padraździaleńniu francuzskaj prakuratury.
Pavodle paviedamleńniaŭ francuzskich ŚMI, ataka, chutčej za ŭsio, była naŭmysnaj.
Ahienctva Frans-pres i telekanał BFM-TV paviedamlajuć, što ŭ mašynie vinavataha avaryi byli znojdzieny aŭtamat Kałašnikava, patrony i hazavy bałon.