U Śvietłahorsku nieviadomy ŭžo dva tydni reža koły mašynam z hieorhijeŭskimi stužkami
Z 5 červienia ŭ Śvietłahorsku adbyłosia kala dziesiaci vypadkaŭ paškodžańnia aŭtamabilaŭ. Złamyśnik reža abo prakołvaje koły ŭ pakinutych kala damoŭ aŭto. Zafiksavany vypadak, kali jon prosta skakaŭ pa mašynie, paškodziŭšy jaje, paviedamlaje partał ranak.by.
«Cikava toje, što nieviadomy vybiraje mašyny, na jakich prymacavanaja «hieorhijeŭskaja stužka», — udakładniaje opierupaŭnavažany AKV Śvietłahorskaha RAUS Alaksandr Piatruškin.
Pa słovach opierupaŭnavažanaha, čaściakom złamyśnik vybiraje ciomny čas sutak. A vialikaja častka vypadkaŭ, praktyčna 90%, zafiksavanyja ŭ Maładziožnym mikrarajonie. Apošni vypadak adbyŭsia litaralna ŭčora, 18 červienia. U aŭtamabili prakałoli ŭsie koły.
Milicyja prosić hramadzian paviedamić, kali jany što viedajuć pra hetaha čałavieka.