Dziaŭčyna zahinuła, pierabiahajučy ŭnačy praśpiekt Niezaležnaści
Upraŭleńniem Śledčaha kamiteta pa horadzie Minsku vyznačajucca abstaviny darožna-transpartnaha zdareńnia, jakoje adbyłosia siońnia nočču na praśpiekcie Niezaležnaści, paviedamili ŭ SK.
Pavodle papiaredniaj infarmacyi, atrymanaj śledčymi padčas ahladu miesca zdareńnia, vyjaŭlena, što DTZ adbyłosia ŭ pačatku treciaj hadziny ranicy 20 červienia.
«Kiroŭca taksi, ruchajučysia pa praśpiekcie Niezaležnaści ŭ kirunku płoščy Pieramohi, ździejśniŭ najezd nasuprać Pałaca prafsajuzaŭ na dziaŭčynu 1998 hoda naradžeńnia, jakaja pierabiahała praśpiekt», — paviedamiŭ aficyjny pradstaŭnik USK pa Minsku Alaksiej Klimovič.
Pavodle jaho słoŭ, ad atrymanych cialesnych paškodžańniaŭ dziaŭčyna pamierła na miescy avaryi.
Pavodle papiaredniaj infarmacyi, u momant DTZ kiroŭca byŭ ćviarozy. Zaviedzienaja kryminalnaja sprava pa č. 2 art. 317 Kryminalnaha kodeksa Biełarusi, paviedamiŭ Klimovič.