Meblu IKEA možna budzie prymieryć, nie vychodziačy z doma
Apple i IKEA raspracoŭvajuć dadatak dla rasstanoŭki virtualnaj mebli ŭ realnym pakoi z dapamohaj technałohii dapoŭnienaj realnaści, paviedamlaje hi-tech.mail.ru sa spasyłkaj na Business Insider. Mabilnaje prykładańnie IKEA dla iOS budzie vykarystoŭvać novuju płatformu Apple dla dapoŭnienaj realnaści — ARKit, jakuju pradstavili na kanfierencyi WWDC2017. Ab raspracoŭcy paviedamiŭ kiraŭnik IKEA pa ličbavych technałohijach Majkł Valdshaard u intervju vydańniu Di Digital.
Jak heta pracuje
Dadatak praz kamieru skanuje pakoj: vyznačaje padłohu, ścieny i abjekty ŭ pamiaškańni. Z katałoha vybirajecca pradmiet, i jaho virtualnaja madel źjaŭlajecca na malunku ŭ realnym pakoi. Heta dapamoža prymieryć meblu da interjeru pakoja na ekranie smartfona i tut ža zamović.
Dadatak pradstaviać vosieńniu. Mahčyma, anons adbudziecca razam z relizam finalnaj viersii iOS 11 i novaha iPhone. U pieršym katałohu budzie 500-600 pradmietaŭ.
IKEA ŭ trendzie
Najbujniejšaja handlovaja sietka pa prodažy mebli aktyŭna pracuje z novymi technałohijami. U krasaviku 2016 hoda IKEA pradstaviła prykładańnie dla virtualnaj realnaści — IKEA VR Experience. U VR-šlemie karystalnik apuskajecca ŭ virtualny interjer pakoja z meblaj z IKEA, kožny abjekt možna vyvučyć i pierajnačyć.