U Dubai (Stolinski rajon) pierad dyskatekaj chłopcy niekalki hadzin źbivali znajomaha
Dvoje 18-hadovych žycharoŭ Stolinskaha rajona zatrymanyja pa padazreńni ŭ asabliva złosnym chulihanstvie, paviedamili TUT.BY u pres-słužbie UUS Bresckaha abłvykankama.
Incydent adbyŭsia 11 červienia. Kampanija niećviarozych maładych ludziej ź viosak Bieražnoje i Biełavuša pa darozie na dyskateku ŭ ahraharadok Dubaj vyrašyli zajści da znajomaha i pakarać jaho za toje, što toj niekali abražaŭ dziaŭčat.
Chłopcy vyklikali svajho adnahodka «pahavaryć». Jak tolki jon vyjšaŭ na vulicu, jaho ŭdaryli pa hałavie butelkaj z-pad harełki, napoŭnienaj druzam. Na praciahu hadziny junaki źbivali svaju achviaru i ablivali vadoj, kab pryvieści da prytomnaści i zmyć kroŭ. Zatym paciarpiełaha adviali ŭ dom, apracavali ranu, zabintavali i znoŭ źbili.
Śledčy kamitet raspačaŭ kryminalnuju spravu pa artykule «Asabliva złosnaje chulihanstva» (č. 3 art. 339 KK). Dvoje ŭdzielnikaŭ źbićcia ŭžo zaklučanyja pad vartu, u dačynieńni da astatnich abranyja miery strymańnia, nie źviazanyja z pazbaŭleńniem voli.