Viciablanin u śniežni minułaha hoda pajechaŭ na zarobki i źnik
Viciebskim haradskim adździełam Śledčaha kamiteta raspačataja kryminalnaja sprava pa fakcie źniknieńnia 41-hadovaha Alaksandra Siemienčukova, paviedamiła BIEŁTA aficyjny pradstaŭnik upraŭleńnia Śledčaha kamiteta pa Viciebskaj vobłaści Śviatłana Sacharava.
Pavodle danych śledstva, mužčyna pražyvaŭ pa vuł. Voinaŭ-Internacyjanalistaŭ u Viciebsku. U śniežni 2016 hoda jon vyjechaŭ u Maskvu na zarobki, i da ciapierašniaha času jaho miescaznachodžańnie nie vyśvietlenaje.
Prykmiety: rost 175-180 sm, chudarlavaha ciełaskładu, smuhły avalny tvar, brovy duhapadobnyja, vałasy ciomna-rusyja ź siviznoj. Asablivych prykmiet nie maje. Byŭ apranuty ŭ karyčnievuju kurtku i sinija džynsy.
Śledčyja prosiać hramadzian, jakija vałodajuć jakoj-niebudź infarmacyjaj, nie zastacca abyjakavymi i patelefanavać pa telefonach u Viciebsku (8 0212) 48-66-36, 46-22-25 albo paviedamić u Viciebski haradski adździeł Śledčaha kamiteta (Maskoŭski prasp., dom 51a, apieratyŭna-dziažurnaja słužba).