U Rečycy 22-hadovy chłopiec paviesiŭsia na pracoŭnym miescy
Rečycki rajonny adździeł Śledčaha kamiteta pravodzić pravierku pa fakcie hibieli 22-hadovaha rabotnika AAT «Rečycadreŭ», jaki byŭ znojdzieny paviešanym u adnym z vytvorčych pamiaškańniaŭ.
Pra heta paviedamiła BIEŁTA aficyjny pradstaŭnik USK pa Homielskaj vobłaści Maryja Kryvanohava.
Paviedamleńnie ab zdareńni pastupiła na pult dziažurnaha ŭ RAUS u 6.00. Na miesca vyjechała apieratyŭna-śledčaja hrupa. Było ŭstanoŭlena, što małady čałaviek pracavaŭ u načnuju źmienu. U adpaviednaści z technałahičnym pracesam jon pavinien byŭ dastavić uzor syraviny ŭ łabaratoryju, adnak tam nie źjaviŭsia. Jaho cieła znajšoŭ inšy rabočy.
Chłopiec uładkavaŭsia na pradpryjemstva niekalki miesiacaŭ tamu, prablem z kiraŭnictvam nie mieŭ. Niadaŭna jamu byŭ pavyšany vytvorčy razrad.
Pa fakcie hibieli pryznačanyja sudova-miedycynskija ekśpiertyzy. Asnoŭnaja viersija zdareńnia - suicyd. Śledčyja vyvučajuć usie mahčymyja pryčyny, jakija mahli pryvieści maładoha čałavieka da takoha ŭčynku.