U Bavaryi dzieci abstralali z cacačnaha pistaleta karala Tajłanda
U Hiermanii padletki abstralali z cacačnych pistaletaŭ karala Tajłanda Machu Vačyrałanhkorna (Ramu X), paviedamiŭ VVS pradstaŭnik prakuratury horada Łandschuta Tomas Raŭšer.
Getty
Incydent adbyŭsia ŭviečary 10 červienia ŭ horadzie Erdzinhu ŭ fiederatyŭnaj ziamli Bavaryja, kali manarch kataŭsia na rovary. Dvoje padletkaŭ 13 i 14 hadoŭ abstralali Ramu X z akna doma, kali jon prajazdžaŭ mima z hrupaj inšych ravarystaŭ. Nichto ź ich nie paciarpieŭ.
«My znajšli kuli i možam paćvierdzić, što padletki stralali z cacačnaha zbroi», — cytuje pradstaŭnika palicyi hazieta Bild.
Pavodle infarmacyi vydańnia, płastykavyja kuli patrapili Ramie X ŭ śpinu, paśla čaho jaho ciełaachoŭniki vyklikali vartavych paradku. Zajavu ŭ palicyju karol pisać nie staŭ.
Adnak rasśledavańniem incydentu ŭžo zaniałasia prakuratura. 14-hadovamu padletku pahražaje abvinavačvańnie ŭ sprobie naniasieńnia «niebiaśpiečnaha cialesnaha paškodžańnia», jaho 13-hadovy siabar jašče nie dasiahnuŭ uzrostu kryminalnaj adkaznaści.
Pavodle danych Bild, Rama X vałodaje dźviuma viłami na voziery Štarnbierhier u Bavaryi, što za 30 kiłamietraŭ ad Miunchiena.
U Tajłandzie dziejničajuć adny z samych žorstkich u śviecie zakonaŭ ab abrazie manarchii. U pryvatnaści, jany praduhledžvajuć strohaje pakarańnie za publičnuju krytyku členaŭ karaleŭskaj siamji, u tym liku ŭ sacyjalnych sietkach.
Drukujecca ŭ miežach śpiecyjalnaj rubryki «Naviny Hiermanii»