Kiraŭnik MAK raspavioŭ ab padrychtoŭcy sankcyj suprać Rasii za Sočy-2014
Reuters.com
Jak by ni byli značnyja previentyŭnyja miery, jakija moža pryniać Rasija ŭ dačynieńni da baraćby z dopinham, jana nie zmoža paźbiehnuć sankcyj. Pra heta ŭ intervju New York Times zajaviŭ prezident Mižnarodnaha alimpijskaha kamiteta (MAK) Tomas Bach.
«U nas skłałasia ŭražańnie, što niekatoryja ludzi ŭ Rasii dumajuć, byccam, płanujučy rašeńnie prablem u budučyni, minułaje zabudziecca», — zajaviŭ Bach. Jon zaŭvažyŭ, što «nielha prosta zabyć, što zdaryłasia ŭ Sočy». «My jasna dali zrazumieć, što za minułaje — toje, što tam zdaryłasia, — treba ŭvieści sankcyi», - dadaŭ kiraŭnik MAK.
Jon nie staŭ aceńvać surovaść sankcyj, śćviardžajučy, što dźvie alimpijskija kamisii ŭsio jašče vyvučajuć vypadki parušeńnia antydopinhavaha zakanadaŭstva rasijskimi spartsmienami i čynoŭnikami. Kamisii hruntujucca na dakładach Ryčarda Makłarena, jakija vyjšli ŭ dźviuch častkach. U pieršaj častcy, apublikavanaj u lipieni 2016 hoda, havaryłasia, što ministerstva sportu schavała prymianieńnie dopinhu rasijskimi spartsmienami. U druhoj śćviardžałasia, što ŭ ministerstvie isnavała «instytucyjanalnaja zmova», a namieśnik kiraŭnika ministra sportu Vitala Mutko Juryj Nahornych spryčyniŭsia da manipulacyj z dopinh-probami rasijanaŭ.
U dakładach Makłaren prychodzić da vysnovy, što na Alimpijadzie ŭ Sočy prysutničali falsifikacyi dopinh-probaŭ spartsmienaŭ, jakija zavajavali čatyry miedali, a taksama šaści paralimpijcaŭ.