Biełaruski milicyjant patanuŭ u Ispanii, ratujučy dziaciej
Trahičny vypadak zdaryŭsia 20 červienia na ispanskim kurorcie Alikante.
40-hadovy supracoŭnik biełaruskaha MUS Alaksandr adpačyvaŭ razam z žonkaj i dvuma dziećmi. Jak raspaviali Onliner.by znajomyja siamji, dziaciej — uzrostam 5 i 9 hadoŭ — niečakana stała zaciahvać u mora płyńniu. Baćki kinulisia ratavać ich.
Iryna, jakaja płavaje lepš, vypłyła razam ź dziećmi, a voś Alaksandr patanuŭ. Praź dźvie chviliny ratavalniki zmahli vyciahnuć jaho na plaž, ale reanimacyja nie dała plonu.
Uskryćcio paćvierdziła, što ałkaholu ŭ kryvi biełarusa nie było.