Šviejcaryja aryštavała 15 miljonaŭ jeŭra zakładu Ukrainy za praviadzieńnie «Jeŭrabačańnia-2017»
Šviejcaryja aryštavała 15 młn jeŭra, pradastaŭlenych Ukrainaj u jakaści harantyi naležnaha praviadzieńnia «Jeŭrabačańnia-2017». Pra heta paviedamlajuć infarmahienctvy sa spasyłkaj na ŭkrainskaha arhanizatara konkursu — Nacyjanalnuju teleradyjokampaniju Ukrainy.
«Jeŭrapiejski viaščalny sajuz (JEVS) paviedamiŭ Nacyjanalnaj teleradyjokampanii Ukrainy, što Ženeŭskaje ŭpraŭleńnie prymusovaha spahnańnia zapazyčanaści inicyjavała praceduru nakładańnia aryštu na sumu hetaj harantyi. U svaim aficyjnym liście da JEVS hetaje ŭpraŭleńnie nie paviedamiła ab padstavach nakładańnia aryštu i nie ŭkazała inicyjatara hetaj pracedury», — havorycca ŭ paviedamleńni.
Va ŭkrainskaj teleradyjokampanii adznačyli, što naniali jurydyčnuju firmu dla vyśviatleńnia abstavin.