Siabroŭcy eks-prezidenta Paŭdniovaj Karei dali try hady turmy
Sud u Paŭdniovaj Karei prysudziŭ Čchvie Sun Sil, šmathadovuju siabroŭku i daradcu byłoha prezidenta Paŭdniovaj Karei, jakaja apynułasia ŭ centry karupcyjnaha skandału, da troch hadoŭ źniavoleńnia pavodle abvinavačańnia ŭ złoŭžyvańni ŭładaj.
Hety skandał pryvioŭ da impičmientu prezidenta Pak Kyn Chie, suprać jakoj taksama vyłučanyja abvinavačvańni ŭ karupcyi.
Prakurory patrabavali pryznačyć Čchvie Sun Sil siem hadoŭ pazbaŭleńnia voli za vykarystańnie suviaziaŭ z Pak Kyn Chie dla taho, kab uładkavać va ŭniviersitet svaju dačku Čon Ju Ra. Taksama, pa dadzienych śledstva, jana akazvała cisk na kiraŭnictva ŭniviersiteta z tym, kab Čon stavili adznaki za pracy, jakija jana nikoli nie rabiła, i zaličvali ekzamieny, jakija jana nie zdavała.
Čchvie Sun Sil taksama abvinavačvajecca ŭ tym, što jana brała ź viedama Pak Kyn Chie chabar ad bujnych kampanij. Pa hetym abvinavačańni sud jašče nie pryniaŭ rašeńnia.