Bieły dom abviaściŭ «hazavuju revalucyju»
Złučanyja Štaty majuć namier da 2020 hoda vyjści na hłabalny rynak zvadkavanaha pryrodnaha hazu (ZPH) u jakaści nieta-eksparciora. Pra heta havorycca na sajcie Biełaha doma. Prodaž amierykanskaha hazu z 2016 pa 2040 hod moža pavialičyć dachody fiederalnaha biudžetu na 118 miljardaŭ dalaraŭ.
«Hazavaja revalucyja ŭ ZŠA pryviadzie da taho, što naša kraina stanie hłabalnym hulcom jak eksparcior ZPH», — adznačajecca ŭ paviedamleńni.
Da ciapierašniaha času pačynajučy z 1953 hoda ZŠA źjaŭlajucca čystym imparcioram pryrodnaha hazu.
Prezident ZŠA Donald Tramp 28 krasavika admianiŭ ŭkaz svajho papiarednika Baraka Abamy ab abmiežavańni vytvorčaści karysnych vykapniaŭ na šelfie, pašyryŭšy zdabyču nafty i hazu na ŭčastkach Atłantyčnaha, Cichaha i Paŭnočna-ledavitaha akijanaŭ i ŭ Mieksikanskim zalivie. Dakumient dazvalaje vieści zdabyču na amal siami miljonach kvadratnych kiłamietraŭ. Na hetaj terytoryi moža znachodzicca da 90 miljardaŭ baralaŭ nafty i da 9 tryljonaŭ kubamietraŭ hazu.