U Iranie paćvierdzili śmierć kiraŭnika «Isłamskaj dziaržavy»
Kamandujučy padraździaleńniem «Kuds» Korpusa vartavych isłamskaj revalucyi Irana Ali Šyrazi ŭ intervju adnamu ź iranskich ŚMI paviedamiŭ, što vierchavod terarystyčnaj hrupoŭki «Isłamskaja dziaržava» Abu Bakr al-Bahdadzi zahinuŭ u vyniku rasijskaha avijaŭdaru, paviedamlaje Daily Sabah.
Kiraŭnik padraździaleńnia, jakoje zajmajecca śpiecapieracyjami za miežami Irana, zajaviŭ: «Teraryst Bahdadzi miortvy». Šyrazi pakazaŭ, što śmierć terarysta była paćvierdžana pa mnohich kanałach.
Adnačasova iranski dziaržaŭny telekanał IRIB na svaim sajcie apublikavaŭ artykuł pra historyju «arabskaj viasny» i IDIŁ, u jakoj źmiaściŭ kałaž. Na im źmieščany fatahrafii miortvaha mužčyny i padobnaha na jaho al-Bahdadzi. Miž tym sapraŭdy taki ža kałaž raźmiaščała ŭ listapadzie 2014 hoda italjanskaje infarmacyjnaje ahienctva ANSA, jakoje tady paviedamlała pra čutki ŭ twitter z nahody hibieli terarysta.