Biznesmien Prakapienia: Skazali, što ja znoŭ numar adzin u krainie pavodle padachodnaha padatku
Biznesmien Viktar Prakapienia na svajoj staroncy ŭ fejsbuku apublikavaŭ list z padziakaj ad Ministerstva pa padatkach i zborach.
«Siońnia ŭ ministerstvie pa padatkach i zborach skazali, što ja pa 2016, jak i pa šmat jakich inšych hadach, numar adzin u krainie pavodle padachodnaha padatku:) I, vidać, za ŭsiu historyju niezaležnaj Biełarusi zapłaciŭ najbolš padachodnaha padatku:)», — piša Viktar Prakapienia.
Tut.by udakładniaje, što Prakapienia zapłaciŭ, vidać, 2,7 młn rubloŭ padatku (kala 1,4 młn dalaraŭ). U 2015-m rekord pa padatku skłaŭ 295 tysiač dalaraŭ.
Prakapienia taksama źviarnuŭsia da ministra Siarhieja Nalivajki, čyj podpis staić u liście: «Siarhiej Eduardavič, dziakuj za list! Vielmi pryjemna!:)»
Viktar Prakapienia — zasnavalnik i były ŭłaśnik kampanii Viaden Media, jakaja zajmałasia raspracoŭkaj mabilnych dadatkaŭ. U 2015 hodzie Prakapienia byŭ aryštavany, ale paśla niekalkich miesiacaŭ za kratami «kampiensavaŭ usiu škodu» i byŭ adpuščany na svabodu. U sakaviku 2017 hoda Alaksandr Łukašenka naviedaŭ ofisy dźviuch kampanij Prakapieni — «EXP Capital» i «Vanuba Development» — i paabiacaŭ padtrymku biełaruskamu IT-siektaru.