Kiraŭnik SK pra spravu himnazista, jakoha asudzili za napad na nastaŭnicu: «My rasstavim kropki nad i»
SK abiacaje vystupić z aficyjnaj zajavaj pa spravie ab napadzie z nažom na nastaŭnicu 74-j himnazii Minska paśla taho, jak jaho razhledzić Viarchoŭny sud.
— Aficyjna pytańni SK moža pastavić tolki sud. Jość pracesualnaja forma - sud moža vynieści nam pryvatnaje vyznačeńnie, kali śledstvam byli dapuščanyja parušeńni. Sudom pieršaj instancyi takich parušeńniaŭ nie ŭhledžana, i pryvatnaje vyznačeńnie nam nie vynosiłasia. Nakolki vy viedajecie, pa spravie ustanoŭleny abvinavaŭčy prysud. U ciapierašni momant kryminalnaja sprava znachodzicca ŭ Viarchoŭnym sudzie, i my čakajem jaje pierahladu. Paśla taho, jak budzie pastaŭlena kančatkova kropka pa spravie, my majem namier vystupić z aficyjnaj zajavaj, kab rasstavić usie kropki nad «i». Bo mianie biantežyć hetaja chvala, jakaja razharnułasia ŭ ŚMI i internecie. Skažu, što taja infarmacyja, jakaja tam źmieščana, nie ŭ poŭnaj miery adpaviadaje abjektyŭnaj karcinie taho, što adbyłosia, — paviedamiŭ kiraŭnik SK.