Pucin padpisaŭ zakon ab masavym znosie damoŭ u Maskvie
Prezident Rasii Uładzimir Pucin 1 lipienia padpisaŭ zakon ab prahramie renavacyi ŭ Maskvie, jaki praduhledžvaje masavy znos žyłych damoŭ.
Zakonaprajekt byŭ pryniaty Dziarždumaj 14 červienia i praz dva tydni ŭchvaleny Savietam Fiederacyi.
Prahrama renavacyi praduhledžvaje masavaje raśsialeńnie i znos damoŭ u Maskvie, u pieršuju čarhu — piacipaviarchovak. Prahrama, pavodle słoŭ mera Maskvy, raźličana na 15 hadoŭ. U pieršuju čarhu, zhodna ź fiederalnym zakonam, buduć znosić najbolš staryja damy.
Meryja Maskvy apublikavała śpis z prykładna 4,5 tysiačy damoŭ, papiarednie uklučanych u prahramu; z 15 maja pa 15 červienia ŭ ich išło hałasavańnie žycharoŭ. U kančatkovy śpis uvajšli damy, dzie za znos vykazalisia bolš za dźvie traciny tych, chto prahałasavaŭ.