Futbalisty «Dniapra» pa darozie na matč dapamahli paciarpiełym u DTZ koštam spaźnieńnia
Futbalisty kłuba «Dniapro» pa darozie na hulniu sa «Słuckam» stali śviedkami surjoznaha DTZ i dapamahli paciarpiełym. 1 lipienia jany jechali aŭtobusam i na 47 kiłamietry trasy Mahiloŭ — Babrujsk litaralna na vačach u kamandy aŭtamabil «Opiel» źlacieŭ z darohi, trapiŭ u kiuviet i sutyknuŭsia z drevam.
U mašynie było try čałavieki — jany padarožničali z Sankt-Pieciarburha ŭ Babrujsk. Hulcy «Dniapra» dapamahli ludziam vybracca z mašyny, kiroŭca kłubnaha aŭtobusa Viktar Ciecierukoŭ patušyŭ uzharańnie, jakoje ŭźnikła pad kapotam lehkavika, a doktar kamandy Vasil Trus akazaŭ paciarpiełym pieršuju dapamohu.
Kamanda dačakałasia pryjezdu chutkaj, dapamahła pieranieści tudy paciarpiełych i tolki potym praciahnuła svaju darohu na matč u Słuck, paviedamlaje pres-słužba FK «Dniapro».
U vyniku mahiloŭcy pryjechali na hulniu mieniej čym za hadzinu da jaje pačatku. Na žal, matč skončyŭsia dla ich parazaj 0:1.