Parašenka paćvierdziŭ, što Łukašenka naviedaje Ukrainu
Prezydent Ukrainy Piatro Parašenka zadavoleny dynamikaj šmatbakovaha supracoŭnictva ź Biełaruśsiu i čakaje, što vizyt Alaksandra Łukašenki va Ŭkrainu budzie spryjać bolš hłybokamu kanstruktyŭnamu dyjalohu pamiž krainami.
Jak paviedamili radyjo «Svaboda» u presavaj słužbie kiraŭnika ŭkrainskaj dziaržavy, Piatro Parašenka nakiravaŭ Alaksandru Łukašenku vinšavalny list z nahody Dnia niezaležnaści Biełarusi:
«Kiraŭnik dziaržavy pažadaŭ biełaruskamu kalehu mocnaha zdaroŭja, dabrabytu i dalejšych pośpiechaŭ na vysokaj pasadzie, a družalubnamu biełaruskamu narodu — miru i roskvitu».
Pavodle Piatra Parašenki, raŭnapraŭnaje partnerstva i davier — heta važniejšyja pryjarytety dvuchbakovaha ŭzajemadziejańnia Ukrainy i Biełarusi.
«Upeŭnieny, što vaš budučy vizyt va Ŭkrainu stanie jašče adnym važnym krokam na šlachu pahłybleńnia kanstruktyŭnaha dyjalohu pamiž dźviuma krainami», — adznačyŭ Piatro Parašenka ŭ svaim liście.