Što za Merkieł?
Namieśnik pamočnika dziaržsakratara ZŠA ŭ spravach Eŭropy i Eŭrazii Devid Merkieł — svojeasablivy ŭčastkovy amerykanskaha dziarždepartamentu pa našym rehijonie. Da taho ž, jon daŭno sočyć za losam biełaruskich palitviaźniaŭ.
Namieśnik pamočnika dziaržsakratara ZŠA ŭ spravach Eŭropy i Eŭrazii Devid Merkieł — śvieoasablivy ŭčastkovy amerykanskaha dziarždepartamentu pa našym rehijonie. Jon daŭno sočyć za losam biełaruskich palitviaźniaŭ i mienavita ź jahonych vusnaŭ nieadnarazova hučała, što ich vyzvaleńnie — umova dla dyjalohu ź biełaruskimi ŭładami.
Sioleta ŭ interviju BiełaPAN Merkieł kazaŭ, što na pačatku hodu «biełaruskija ŭłady ŭsimi siłami namahalisia praduchilić ustupleńnie ŭ siłu kankretyzacyi sankcyj u dačynieńni da kancernu «Biełnaftachim».
«U vyniku kansultacyj u studzieni 2008 hodu my dasiahnuli damoŭlenaści pra toje, što pry ŭmovie vyzvaleńnia ŭsich palitviaźniaŭ i palapšeńnia sytuacyi ŭ halinie pravoŭ čałavieka, my pačniom dyjaloh pra admienu sankcyj».
Ciapier, kali ŭmova hetaja vykananaja, kamu jak nie jamu lacieć u Miensk vykonvać abiacańnie.
U struktury Dziarždepartamentu ad Merkieła da dziaržsakratarki Kandalizy Rajs dźvie prystupki:
1. Namieśnik dziaržsakratara pa palityčnych pytańniach Uiljam Robert Biorns, jaki sioleta zamianiŭ na hetaj pasadzie svajho adnafamilca, a pierad hetym try hady pracavaŭ pasłom u Maskvie. Z apošnich spraŭ Biornsa — pieramovy ź Iranam nakont jadravaj prahramy j zajava ŭ padtrymku siabroŭstva Ŭkrainy dy Hruzii ŭ Paŭnočnaatlantyčnym aljansie.
2. Namieśnik dziaržsakratara Džon Niehraponte, jaki da hetaha byŭ dyrektaram nacyjanalnaj vyviedki. Mienavita da jaho byŭ vyklikany rasiejski pasoł, kab vysłuchać niezadavalnieńnie Złučanych Štataŭ dziejańniami Rasiei ŭ Hruzii.
Pierad tym jak trapić na pracu va ŭrad ZŠA Merkieł naziraŭ za vybarami ŭ eŭrazijskich krainach i ŭznačalvaŭ Fond Eŭrazii.
U 2003‑m jon byŭ pryznačany namieśnikam pamočnika sakratara pa mižnarodnych pytańniach u Ministerstvie finansaŭ ZŠA, dzie byŭ uznaharodžany «za vyklučnuju słužbu».
U 2005‑m Merkieł pierajšoŭ na pracu ŭ Nacyjanalnuju radu biaśpieki dyrektaram pa Eŭropie dy Eŭrazii. Paśla stajaŭ na čale adździełu Centralnaj Azii
Z sakavika 2008 hodu ŭ ranhu pamočnika namieśnika dziaržsakratara ZŠA pa Eŭropie dy Eŭrazii jon kuryruje palityku ŭ dačynieńni da Biełarusi, Małdovy, Rasiei, Ukrainy, a taksama pytańni nieraspaŭsiudu jadravaj zbroi.