Łukašenka: Vučeńni «Zachad-2017» — značny krok u harantavańni nacyjanalnaj biaśpieki
Sumiesnyja biełaruska-rasijskija vučeńni «Zachad-2017» - heta značny krok va ŭdaskanaleńni sistemy harantavańnia nacyjanalnaj biaśpieki dziaržavy. Pra heta Alaksandr Łukašenka zajaviŭ siońnia na cyrymonii ŭznaharodžańnia vypusknikoŭ vyšejšych VNU i vyšejšaha aficerskaha składu.
«Mnohija z vas u vieraśni hetaha hoda prymuć udzieł u sumiesnym stratehičnym vučeńni ŭzbrojenych sił Biełarusi i Rasii» Zachad-2017». Heta značny krok u padrychtoŭcy Uzbrojenych sił, inšych vojskaŭ i vajskovychch farmiravańniaŭ, va ŭdaskanaleńni sistemy nacyjanalnaj biaśpieki Biełarusi», — padkreśliŭ Alaksandr Łukašenka.
Važnaje miesca pry harantavańni nacbiaśpieki Biełarusi advodzicca taksama Ministerstvu pa nadzvyčajnych situacyjach. «Vypusknikam VNU sistemy MNS treba budzie praciahnuć raboty pa abaronie nasielnictva ad nadzvyčajnych situacyj i ich nastupstvaŭ. Vykarystoŭvać efiektyŭnyja sposaby reahavańnia na avaryi, katastrofy i stychijnyja biedstvy. Palepšyć hramadzianskuju abaronu krainy i harantavać biaśpieku pry budaŭnictvie Biełaruskaj atamnaj elektrastancyi», — skazaŭ jon.
«Z ulikam uzrastańnia terarystyčnaj niebiaśpieki ŭ śviecie, aktyvizacyi niezakonnaj mihracyi, raspaŭsiudu narkotykaŭ, ŭvozu zbroi nieabchodna ŭdaskanalvać sistemu pahraničnaj biaśpieki dziaržavy, — źviarnuŭ uvahu biełaruski lidar. — Hetyja ž ryzyki akazvajuć istotny ŭpłyŭ na stan hramadskaj biaśpieki. U suviazi z hetym surjoznaha palapšeńnia patrabuje praca orhanaŭ unutranych spraŭ pa harantavańni biaśpiečnaha žyćcia i dziejnaści hramadzian».
Adnym z pryjarytetnych napramkaŭ u dziejnaści aficeraŭ ŭsich siłavych viedamstvaŭ Łukašenka nazvaŭ vychavańnie ŭ padparadkavanych pačućci patryjatyzmu, hatoŭnaści da abarony dziaržavy.