«Biełavija» i Siarhiej Michałok padpisali pahadnieńnie ab supracoŭnictvie
Avijakampanija «Biełavija» stała aficyjnym pieravozčykam papularnaha biełaruskaha pank-rok-hurta «Lapis'98». Pahadnieńnie ab partniorstvie ŭstupiła ŭ siłu ŭ červieni, paviedamlaje pres-słužba kampanii.
«Supracoŭnictva Biełavija i znakamitaha hurta «Lapis'98» budzie sadziejničać nie tolki raźvićciu dvuch brendaŭ, ale i dazvolić abjadnać namahańni pa pryciahnieńni ŭvahi da Biełarusi, bo i avijakampanija, i muzyčny kalektyŭ źjaŭlajucca adnymi z samych viadomych brendaŭ našaj krainy», — adznačajecca ŭ paviedamleńni.
Dziakujučy partniorstvu z «Biełavija» hrupa zmoža nie tolki pašyryć hieahrafiju svaich hastrolnych turaŭ, ale taksama źnizić košt kvitkoŭ na kancerty na 20%.
«Biełavija» budzie pradastaŭlać pasłuhi pa arhanizacyi pieralotaŭ muzykaŭ hurta «Brutto» i «Lapis'98». U svaju čarhu, muzyki buduć akazvać biełaruskaj avijakampanii rekłamnyja pasłuhi i sadziejničać prasoŭvańniu brenda jak u rodnaj krainie, tak i za jaje miežami, havorycca ŭ pres-relizie.
«Avijakampanija «Biełavija» starajecca akazvać padtrymku sacyjalnym i kulturnym, u tym liku muzyčnym, prajektam, nakiravanym na papularyzacyju Biełarusi za miažoj. Hrupy «Brutto» i «Lapis98» daŭno i tryvała źjaŭlajucca nośbitami sučasnaj Biełarusi va ŭsim śviecie, mienavita tamu my rady hetamu partniorstvu», — adznačyŭ Anatol Husaraŭ, hienieralny dyrektar AAT «Avijakampanija «Biełavija».
Na videa Siarhiej Michałok čytaje «Ad rodnych niŭ» Maksima Bahdanoviča.