Łukašenka panarakaŭ na dziesiacihodździe stračanych mahčymaściaŭ u adnosinach z ZŠA
president.gov.by
Zacikaŭlenaść Biełarusi ŭ raźvićci paŭnavartasnych partniorskich adnosin sa Złučanymi Štatami Amieryki zastajecca niaźmiennaj. Ab hetym Alaksandr Łukašenka zajaviŭ na sustrečy z delehacyjaj Kanhresa ZŠA, paviedamlaje pres-słužba kiraŭnika krainy.
«Niaźmiennaj zastajecca naša zacikaŭlenaść u raźvićci paŭnavartasnych partniorskich adnosin sa Złučanymi Štatami. Za apošnija dva-try hady my adnavili peŭny ŭzrovień palityčnaha davieru. Ale biez ŭzajemnaha žadańnia heta było b niemahčymym. Liču, što papiaredniaje dziesiacihodździe, jakoje my pražyli va ŭmovach niavyznačanaści, sankcyj — heta pieryjad stračanych mahčymaściaŭ dla našych adnosin», — skazaŭ Alaksandr Łukašenka.
U hetyja dni ŭ Minsku prachodzić najvažniejšaja mižnarodnaje mierapryjemstva - 26-ja letniaja siesija Parłamienckaj asamblei ABSE. «Nakolki mnie viadoma, delehacyja sa Złučanych Štataŭ samaja šmatlikaja. Z hetaha vynikaje, što Kanhres Złučanych Štataŭ nie tolki nadaje vialikaj uvahi pytańniam pracy Parłamienckaj asamblei ABSIE, ale i, napeŭna, prajaŭlaje cikavaść da Biełarusi, — adznačyŭ jon. — Kiraŭnictva vašaj dziaržavy paśla listapadaŭskich vybaraŭ minułaha hoda čakana zasiarodziłasia na ŭnutranych spravach krainy, pierš za ŭsio na ekanomicy, sacyjalnaj śfiery. heta naturalna, heta zadača luboha prezidenta. Tym nie mienš zamiežnaja palityka novaj administracyi ZŠA pastupova nabyvaje formu. Miarkuju, u chutkim časie buduć sfarmulavany źniešniepalityčnyja padychody Vašynhtona i da Biełarusi».
Biełaruś i Złučanyja Štaty Amieryki pavinny praciahvać dyjałoh pa adčuvalnych temach ŭ kanstruktyŭnym klučy. «Nieabchodna ŭ kanstruktyŭnym klučy praciahvać vieści pačaty z amierykanskim bokam dyjałoh pa adčuvalnych temach. Čas pakazaŭ, što heta efiektyŭny miechanizm zbližeńnia pazicyj, likvidacyi isnujučych pamiž našymi krainami roznahałośsiaŭ, - skazaŭ Alaksandr Łukašenka. - My pavinny prasoŭvacca napierad - ad uzajemnych pretenzij i patrabavańniaŭ da aktyŭnaha supracoŭnictva.
Varta navučycca ŭsprymać toje, što adbyvajecca ŭ našych krainach u šyrokim rehijanalnym i hłabalnym kantekstach. Viadoma, heta niaprosta rabić, ale my pavinny stavić pierad saboj mienavita kanstruktyŭnyja mety».