Prakuror prosić dać «baciušku sa svastykaj» 3 hady ŭzmocnienaha režymu
Na čarhovym pasiadžeńni prakuror ahučyŭ patrebnaje, na jaho pohlad, pakarańnie dla Kanstancina Burykina.
Sam Burykin na pasiadžeńni vystupiŭ z apošnim słovam. Padčas pramovy jon nie moh strymać ślozy: zajaviŭ, što raskajaŭsia, pryznaŭ vinu i paprasiŭ va ŭsich prabačeńnia, paviedamlaje kp.by.
Nahadajem, Kanstancina Burykina, hramadzianina Rasii, śviatara i kiraŭnika Fiederacyi paŭerliftynha, zatrymali ŭ listapadzie 2016 hoda. Jamu vystavili abvinavačańnie za niezakonnaje zachoŭvańnie ahniastrelnaj zbroi, ale z abciažarvajučymi abstavinami za paŭtornaść ci hrupavoje złačynstva. Maksimalna mahčymaja adkaznaść pa hetym artykule — 10 hadoŭ pazbaŭleńnia voli z kanfiskacyjaj majomaści.
Na sudzie jon raskazvaŭ pra svaje kantakty z RNIE, raspavioŭ, adkul u jaho zbroja. Akramia taho, davali pakazańni i svajaki śviatara. Pryjomny syn Alaksiej raspavioŭ pra nacysckuju simvoliku ŭ kvatery ajčyma.
Prysud Kanstancinu Burykinu ahučać 10 lipienia.