«Biełavija» pavialičvaje kolkaść rejsaŭ ź Miensku ŭ Tbilisi
Raniej vykonvalisia try rejsy na tydzień, ź 7 vieraśnia 2008 hoda budzie čatyry.
Nacyjanalnaja kampanija «Biełavija» pavialičvaje kolkaść rejsaŭ ź Miensku ŭ Tbilisi. Pra heta paviedamiŭ namieśnik hieneralnaha dyrektara «Biełavija» pa markietynhu i źniešnieekanamičnaj dziejnaści Ihar Čarhiniec.
Raniej vykonvalisia try rejsy na tydzień, ź 7 vieraśnia 2008 hoda budzie čatyry. Vylet ź Miensku — pa sieradach, čaćviarhach, subotach i niadzielach u 23.40; prybyćcio ŭ Tbilisi — na nastupnyja sutki ŭ 3.35 (pa miascovym časie). Nazad pa paniadziełkach, čaćviarhach, piatnicach i niadzielach arhanizujecca vylet z Tbilisi ŭ 4.35; prybyćcio ŭ Miensk — u 6.30. Usie rejsy buduć vykonvacca na samalocie «Boinh 737/500».
«Na hetym maršrucie vielmi vialiki pasažyrapatok, tamu i pryniataje kamercyjnaje rašeńnie ab pavieličeńni kolkaści rejsaŭ», — patłumačyŭ I.Čarhiniec. Aprača hetaha, pavodle jaho słoŭ, «adkryćcio dadatkovaj častaty palotaŭ pamiž Biełaruśsiu i Hruzijaj daje i novyja mahčymaści tranzytnym pasažyram cieraz aeraport «Minsk».
«Biełavija» taksama vykonvaje čarterny rejs ŭ Batumi adzin raz na tydzień. Čas vyletu ź Miensku — 22.00 u paniadziełak, prybyćcio ŭ Batumi — 1.30 (pa miascovym časie) u aŭtorak; nazad pa aŭtorkach vylet z Batumi ŭ 2.30, prybyćcio ŭ Minsk — u 4.00.