Rybaki pierapłyli Sož, kab pahavaryć sa znajomym ukraincam, — i zapłaciać pa 840 rubloŭ
Uletku šmat chto z rybakoŭ u pošukach klovych miescaŭ nakiroŭvajucca ŭ Łojeŭski i Brahinski rajony, pa rekach jakich prachodzić miaža Biełarusi z Ukrainaj, piša «Homielskaja praŭda».
Homielskaja pamiežnaja hrupa nahadvaje amataram rybnaj łoŭli ab nieabchodnaści prytrymlivacca pravił znachodžańnia ŭ pamiežnaj pałasie.
«Dziaržpahrankamitet idzie nasustrač i dazvalaje rybnuju łoŭlu hramadzianam, jakija atrymali propuski ŭ pamiežnuju pałasu», — adznačyŭ aficer adździeła ideałahičnaj pracy Homielskaj pamiežnaj hrupy Viktar Sałaviej. — Pry hetym kožnamu tłumačycca paradak znachodžańnia, u tym liku i zabarona vychadu na bierah Ukrainy. Tym nie mienš znachodziacca rybaki, jakija ihnarujuć paradak «.
Vosieńniu minułaha hoda była zaviedzienaja kryminalnaja sprava ŭ dačynieńni da dvuch hamialčan. Jany naŭmysna parušyli miažu ŭ rajonie vioski Chominka Łojeŭskaha rajona. Na matornaj łodcy pierapłyli Sož, pa hałoŭnym farvatery jakoha prachodzić dziaržmiaža.
Nielehałaŭ zasiekli supracoŭniki pamiežnaj słužby Ukrainy. Biełarusaŭ zatrymali i pieradali homielskim kaleham. Jak potym rastłumačyli parušalniki, jany pierapłyli raku, bo chacieli pahavaryć sa znajomym žycharom Ukrainy.
Pavodle rašeńnia suda Łojeŭskaha rajona, dvuch hamialčan za parušeńnie miažy pakarali štrafam u pamiery 840 rubloŭ kožnaha.