Minhandlu choča viarnuć internet-kramam «spraščonku», jakuju samo ž i zabaraniła
Ministerstva antymanapolnaha rehulavańnia i handlu choča viarnuć internet-kramam mahčymaść płacić padatki pa sproščanaj sistemie. Pra heta piša «Ježiednievnik».
«MARH prapanuje admianić zabaronu na prymianieńnie sproščanaj sistemy padatkaabkładańnia dla internet-kramaŭ, — cytuje vydańnie načalnika ŭpraŭleńnia arhanizacyi handlu i pasłuh MARH Vijaletu Brazoŭskuju. — Heta prapanova vyłučana z ulikam taho, što 50% internet-kramaŭ naležać indyvidualnym pradprymalnikam. A sproščanaja sistema padatkaabkładańnia karystajecca najbolšym popytam mienavita ŭ hetaj katehoryi subjektaŭ».
Varta adznačyć, što zabarona na ŭžyvańnie SSP dla internet-kramaŭ była ŭviedzienaja ŭsiaho paŭtara hady tamu — z 1 studzienia 2016 hoda. Tady heta pradstaŭlali jak panaceju ad «šeraha» tavaraabarotu, jakoha ŭ internet-kramach byccam by vielmi šmat.
Adnak, jak pakazaŭ čas, «šerym» hulcam rynka zabarona ničym nie pieraškodziła. A voś pradaŭcam lehalnaha tavaru jana surjozna ŭskładniła žyćcio. Navat Vijaleta Brazoŭskaja pryznała, što zabarona abciažaryła biźnies-pracesy dla internet-kramaŭ.