Čysty adtok kapitału z Rasii vyras bolš čym u paŭtara raza
U pieršym paŭhodździ 2017 hoda čysty adtok kapitału z Rasii vyras u 1,7 razu i skłaŭ $14,7 młrd u paraŭnańni z $8,6 młrd za anałahičny pieryjad 2016 hoda. Pra heta śviedčać dadzienyja, apublikavanyja na aficyjnym sajcie Banka Rasii, piša RBK.
Analityki Centrabanka tłumačać, što takaja tendencyja vyklikanaja dziejnaściu bankaŭskaha siektara, jakaja była źviazanaja z pastupleńniem srodkaŭ na rachunki klijentaŭ-rezidentaŭ u pačatku 2017 hoda, a taksama z tym, što banki aktyŭna pahašajuć svaje źniešnija pazykovyja abaviazacielstvy.
U pačatku lipienia paviedamlałasia, što z kanca lutaha zamiežnyja inviestary vyvieli z rasijskich akcyj bolš jak $1,6 młrd, što stała rekordnym adtokam zamiežnaha kapitału za apošni čas.
Abjom źniešniaha doŭhu Rasii pa stanie na 1 krasavika 2017 hoda z pačatku hoda pavialičyŭsia na 2,3% (na $11, 6 młrd) i skłaŭ $525,7 młrd.