Zdavać u arendu rybałoŭnyja ŭhodździ možna budzie tolki z dazvołu Łukašenki
U Biełarusi pryniaty miery dla racyjanalnaha vykarystańnia rybałoŭnych uhodździaŭ. Adpaviedny ukaz № 247 Alaksandr Łukašenka padpisaŭ 11 lipienia, paviedamili ŭ pres-słužbie kiraŭnika dziaržavy.
Dakumient vyznačaje paradak pieradačy ŭ arendu rybałoŭnych uhodździaŭ (aziory, naturalnyja vadajomy) i ziamielnych učastkaŭ pa ŭzhadnieńni z kiraŭnikom Biełarusi. Akramia taho, ukaraniajecca kompleksnaja schiema raźmiaščeńnia pavierchnievych vodnych abjektaŭ (sažałki i abvodnienyja karjery), prydatnych dla viadzieńnia rybavodstva, na padstavie jakoj miascovyja Saviety deputataŭ buduć pieradavać ich u arendu.
Ukaz daść mahčymaść racyjanalna vykarystoŭvać rybałoŭnyja ŭhodździ i ziamielnyja ŭčastki, nieabchodnyja dla viadzieńnia rybałoŭnaj haspadarki, a taksama pavysić efiektyŭnaść vykarystańnia sažałak i abvodnienych karjeraŭ.
Dla realizacyi prava nasielnictva respubliki na biaspłatnaje amatarskaje rybałoŭstva dakumientam praduhledžvajecca nie pieradavać u arendu ŭčastki vadaciokaŭ (reki, ručai, kanały).