Razumnaja kałonka vyklikała palicyju padčas siamiejnaj svarki
Vypadkovaja hałasavaja kamanda padčas siamiejnaje svarki dapamahła paźbiehnuć žudasnaha zychodu, pieradaje Engadget. Pra incydent paviedamiła palicyja štata Ńju-Mieksika.
AOL, Roberto Baldwin
Padčas kanfliktu Eduarda Baras razmachvaŭ pierad svajoj dziaŭčynaj pistaletam. U niejki momant jon pačaŭ pytać jaje, ci vyklikała jana palicyju. Razumnaja kałonka, jakaja znachodziłasia ŭ pamiaškańni, pačuła słovy «vyklikać» i «palicyja» i nieadkładna patelefanavała ŭ 911. Na tym kancy linii apieratar prasačyŭ za raźvićciom svarki i pryniaŭ rašeńnie adpravić narad pa adrasie tych, chto telefanavaŭ.
Dziaŭčyna Barasa atrymała traŭmy padčas svarki, ale ŭ palicyi kažuć, što ŭsio mahło skončycca značna horš, kali b nie zvanok kałonki. Šeryf Manuel Hansales ličyć, što kałonka vyratavała žyćcio nie tolki dziaŭčynie, ale i jaje dačce, jakaja taksama znachodziłasia ŭ domie.
Spačatku paviedamlałasia, što havorka idzie pra razumnuju kałonku ad Google, ale potym krynicy ŭdakładnili, što nasamreč u spravie zamiešany devajs nienazvanaj firmy.