U Žodzinie zakryvajecca dziciačy dom, vychavancam šukajuć baćkoŭ
Zakryvajecca dziciačy dom u Žodzinie. Jon prapracavaŭ 45 hadoŭ, za savieckim časam tut na vychavańni znachodziłasia da 300 dziaciej.
U apošnija miesiacy siudy nie prymali novych vychavancaŭ. Pracavała dźvie hrupy, u jakich žyło kala 30 chłopčykaŭ i dziaŭčynak.
21 dzicia ŭžo uładkavana ŭ dziciačyja damy siamiejnaha typu, u pryjomnyja i apiakunskija siemji. Pakul nie vyznačany los dzieviaci chłopčykaŭ i adnoj dziaŭčynki.
Administracyja dziciačaha doma šukaje hetym dzieciam baćkoŭ. Kali takija nie znojducca, to Kościka, Danika, Dzimu, Mikitu, Bahdana, Sašu, Ihara, Alošu, Jahora i Elinu paśla 1 žniŭnia raźmiarkujuć pa inšych internatach i dziciačych damach.
Ciapier u hetym budynku budzie dziciačy sad. Fota: ex-press.by
Za apošnija paŭtara hoda ŭ Žodzinie adkryli dva dziciačyja damy siamiejnaha typu. U traŭni 2016 hoda adkryŭsia dom Radkievičaŭ, a ŭ mai 2017 hoda šaściora dziaciej pasialilisia ŭ siamji Padalak.