Čamu na Źjezd biełarusaŭ śvietu nie puścili biełarusaŭ sa Smalenščyny?
U čas VII Źjezdu biełarusaŭ śvietu, što pačaŭsia ŭ Miensku 15 lipienia, na mierapryjemstva nie prapuścili ludziej na mašynie z rasiejskimi ściažkami i symbolikaj «Nacyjanalna-kulturnaj aŭtanomii Smalenskaj vobłaści».
Haściam zabaranili ŭvachod, bo tyja nie byli zahadzia zarehistravanyja. Jany syšli biez skandału.
«Nacyjanalna-kulturnaja aŭtanomija Smalenskaj vobłaści» ŭvachodzić u «Federalnuju nacyjanalna-kulturnuju aŭtanomiju biełarusaŭ Rasiei». Taja, miarkujučy pa sajcie, padtrymlivaje biełaruskija ŭłady i ichnyja inicyjatyvy, nie vystupaje z krytykaj biełaruskich uładaŭ, ale taksama nie padtrymlivaje idei «russkoho mira».