Śvieckaja lvica Hanna Bond: Mnie padabajecca «mołoko», mianie bolš razdražniaje naviazvańnie «małaka»
Televiadučaja i błohierka Hanna Bond vyklikała abureńnie mnohich karystalnikaŭ fejsbuka svaim mierkavańniem pra naviazvańnie biełaruskaj movy.
«Mnie padabajecca «MOŁOKO», mianie bolš razdražniaje naviazvańnie «MAŁAKA», — napisała jana.
Hanna Bond apieluje da historyi «Savuškavaha» — kampanija pryncypova admaŭlajecca dadavać na ŭpakoŭku svaich praduktaŭ infarmacyju pa-biełarusku.
«Kab lubić biełaruskuju movu, nie abaviazkova havaryć tolki na joj, — praciahnuła jana svaju dumku. — Treba ź siabie pačynać), potym na małako pieraklučacca».
U dyskusiju z Bond ustupili Eduard Palčys, Anton Matolka, Źmicier Daškievič i mnohija inšyja karystalniki fejsbuka.