U tureckich škołach pačnuć vyvučać paniaćcie džychadu
Ź finalnaj viersii školnaj prahramy ŭ Turcyi prybrali paniaćcie evalucyi, zatoje ŭ škołach buduć vyvučać paniaćcie džychadu. Pra heta paviedamiŭ ministr adukacyi Turcyi Iśmiet Jyłmaz, paviedamlaje «JeŭraPraŭda » sa spasyłkaj na Hurriyet daily news.
Dla pieršych, piatych i dziaviatych kłasaŭ novaja prahrama budzie ŭviedzienaja ŭžo ŭ najbližejšym navučalnym hodzie. Astatnija kłasy piarojduć na jaje ŭ 2018/19 navučalnym hodzie.
«Džychad — heta elemient našaj relihii. Abaviazak Ministerstva adukacyi — pravilna vykładać kožnaje paniaćcie, jak jano taho zasłuhoŭvaje. Naša praca taksama zaklučajecca ŭ vypraŭleńni rečaŭ, jakija niapravilna ŭsprymajucca», — skazaŭ ministr.
Kažučy pra sprečnaje rašeńnie ab vyklučeńni z prahramy vyvučeńnia evalucyi, Jyłmaz zajaviŭ, što evalucyju vyklučyli z prahramy, bo dla jaje razumieńnia patrebien inšy ŭzrovień viedaŭ, čym u školnikaŭ, dla jakich jana nie źjaŭlajecca niepasredna aktualnaj.
Akramia taho, u školnuju prahramu ŭklučyli infarmacyju ab niaŭdałaj sprobie pieravarotu letaś, arhanizacyju Fietchuły Hiulena, Rabočuju partyju Kurdystana i «Isłamskuju dziaržavu».