Tramp spyniaje prahramu dapamohi siryjskim paŭstancam, čaho patrabavała Rasija
Prezident Tramp vyrašyŭ spynić sakretnuju prahramu CRU pa ŭzbrajeńni i treniroŭcy ŭmieranych siryjskich paŭstancaŭ.
Prezident ZŠA Donald Tramp vyrašyŭ spynić prahramu vajennych trenirovak i ŭzbrajeńnia siryjskaj umieranaj apazicyi, jakija imknucca źniščyć ŭradavyja vojski Bašara Asada. Hety krok zrobleny va ŭhodu intaresam RF.
Pra heta paviedamlaje sa spasyłkaj na krynicy ŭ administracyi amierykanskaje centralnaje vydańnie The Washington Post.
«Prezident Tramp vyrašyŭ spynić sakretnuju prahramu CRU pa ŭzbrajeńni i treniroŭcy ŭmieranych siryjskich paŭstancaŭ, jakija viaduć baraćbu z uradam Bašara Asada. Heta toj krok, jakoha doŭhi čas damahałasia Rasija», — havorycca ŭ paviedamleńni.
Hetaja prahrama była centralnaj asnovaj palityki ZŠA ŭ Siryi, zasnavanaj administracyjaj Abamy ŭ 2013 hodzie z metaj pamianšeńnia cisku z boku Asada na ŭmieranuju apazicyju. Adnak paśla taho, jak Rasieja praz dva hady razharnuła svaje vojski ŭ Siryi, efiektyŭnaść hetaj prahramy akazałasia pad pytańniem. Čynoŭniki zajavili, što zhortvańnie sakretnaj prahramy adlustroŭvaje zacikaŭlenaść Trampa ŭ pošuku šlachoŭ supracoŭnictva z Rasijaj.