BiełAES zapracuje na poŭnuju mahutnaść letam 2020 hoda
Usiu Biełaruskuju atamnuju elektrastancyju płanujecca ŭvieści ŭ stroj letam 2020 hoda. Ab hetym siońnia na sustrečy z kiraŭnikom Biełarusi Alaksandram Łukašenkam zajaviŭ hienieralny dyrektar Dziaržaŭnaj karparacyi pa atamnaj enierhii «Rosatam» Alaksiej Lichačoŭ, pieradaje karespandent BiełTA.
«My ŭčora pracavali ŭvieś dzień na stancyi, abmierkavali stan spraŭ. Hatovyja dałažyć padrabiazna, — skazaŭ Alaksiej Lichačoŭ. — My zychodzim z abaviazacielstvaŭ «Rosatama» ŭsiu stancyju ŭvieści ŭ stroj letam 2020 hoda».
Hiendyrektar «Rosatama» padziakavaŭ biełaruskamu boku za pastajannuju ŭvahu da budaŭnictva BiełAES. «My heta adčuvajem, adčuvajuć i našy budaŭniki, jakija pracujuć tut, u Biełarusi», - skazaŭ jon.
Alaksiej Lichačoŭ nahadaŭ pra razmovu kiraŭnika biełaruskaj dziaržavy z prezidentam Rasii ŭ kancy maja 2012 hoda, kali startavaŭ prajekt. «Vy tady skazali, što zadača - pabudavać samuju biaśpiečnuju, samuju sučasnuju stancyju ŭ Jeŭropie. I «Rosatam» dziejničaje, zychodziačy z hetaj vašaj ustanoŭki. Sapraŭdy, heta novaje pakaleńnie pa biaśpiecy (3+). U śviecie takich anałahaŭ niama», - zajaviŭ Alaksiej Lichačoŭ.
Biełaruskaja AES uzvodzicca za košt kredytu Rasii, dla jaje budaŭnictva vybrany prajekt AES-2006 - typavy rasijski prajekt atamnaj stancyi novaha pakaleńnia z vykarystańniem voda-vadzianoha enierhietyčnaha reaktara VVER-1200. Pieršaja pastaŭka jadziernaha paliva na BiełAES čakajecca ŭ kancy 2018 hoda. Uvod u ekspłuatacyju pieršaha enierhabłoka zapłanavany na 2019 h., druhoha - na 2020-y.