Trapičnaja zaleva ŭ Minsku: 30% miesiačnaj normy apadkaŭ za paru hadzin
Kala 30% miesiačnaj normy apadkaŭ vypała ŭ Minsku za niekalki hadzinaŭ 25 lipienia. Pra heta sa spasyłkaj na Respublikanski centr pa hidramietearałohii Minpryrody piša BiełTA.
«U zaležnaści ad rajonaŭ horada, pa źviestkach na 21:00, vypała 25-30% normy apadkaŭ. Zalevy buduć praciahvacca i ŭnočy, navalničnaje stanovišča zachoŭvajecca», — adznačyli sinoptyki.
Minčuki dzielacca ŭražańniami ad trapičnaj zalevy ŭ sacyjalnych sietkach.
Drennaje nadvorje zakranuła i inšyja harady Biełarusi. U Breście i Baranavičach — zatoplenyja vulicy i chodniki, pałamanyja drevy i mašyny, zastyłyja ŭ vadzie.
Aranžavy ŭzrovień niebiaśpieki praz navalnicy i škvalisty viecier abvieščany ŭ Biełarusi i na 26 lipienia.