Łukašenka pra «Zachad-2017»: NATA, susiedziam, Ukrainie — usio patłumačyli
Vučeńni «Zachad-2017» źjaŭlajucca adkrytymi, i na ich zaprašajecca vielizarnaja kolkaść naziralnikaŭ.
Pra heta zajaviŭ prezident Biełarusi Alaksandr Łukašenka 27 lipienia na naradzie z kiraŭnictvam Dziaržaŭnaha sakrataryjata Savieta biaśpieki, pieradaje karespandent BiełTA.
Padčas mierapryjemstva kiraŭnik dziaržavy zakranuŭ temu majučych adbycca sumiesnych stratehičnych vučeńniaŭ uzbrojenych sił Biełarusi i Rasii «Zachad-2017». «Pra heta šmat skazana, i ja chacieŭ by pačuć niešta novaje. Usie staryja pytańni — i zakłapočanaść NATA, i našy susiedzi, i va Ukrainie ja niadaŭna byŭ — usim usio patłumačyli, — padkreśliŭ Łukašenka. — Vučeńni adkrytyja, my zaprašajem abo ŭžo zaprasili vielizarnuju kolkaść naziralnikaŭ. Pryjazdžajcie, hladzicie. Kiraŭnik dziaržavy taksama źviarnuŭ ŭvahu na toj fakt, što vučeńni majuć abarončy charaktar. «Razam z Rasijskaj Fiederacyjaj tradycyjna praviadziem hetyja vučeńni», - reziumavaŭ jon.