Łukašenka: Za naradžalnaść žorstka adkaža kožny čynoŭnik
Biełaruś moža prakarmić 20 miljonaŭ čałaviek, samaja hałoŭnaja zadača krainy — pavialičyć kolkaść nasielnictva choć by da 15 miljonaŭ.
Alaksandr Łukašenka pravioŭ naradu, na jakoj zasłuchaŭ dakład ab demahrafičnaj situacyi.
«Biełaruś moža prakarmić 20 miljonaŭ čałaviek, — pierakanany jon. — A samaja hałoŭnaja naša zadača, jakuju nie my, dyk našy dzieci pavinny vyrašyć, — 15 miljonaŭ nasielnictva. Heta ekanamičnaja biaśpieka našaj krainy, moc našaj dziaržavy, a jana zaŭsiody ŭ ludziach».
Łukašenka zaklikaŭ nie tolki zachavać pryrost nasielnictva, ale i prymnožyć hetuju dynamiku.
Adznačym, što nasamreč za paŭhoda kolkaść žycharoŭ Biełarusi skaraciłasia na 9 tysiač čałaviek.
«Stvareńnie ŭmoŭ dla stymulavańnia naradžalnaści, zabieśpiačeńnie ludziej pracaj, rost ich dabrabytu — heta asnoŭnyja ŭradavyja zadačy, zadačy miascovych orhanaŭ ułady, jakija treba vyrašać. Vyrašeńnie hetaha sacyjalnaha pytańnia — najžorstkaja adkaznaść luboha čynoŭnika», — zajaviŭ Alaksandr Łukašenka.