Kab pamiatali
Kancert hramadzka‑kulturnaj akcyi «My — biełarusy!» projdzie 7 vieraśnia ŭ Maskvie, akurat napiaredadni hadaviny Aršanskaj bitvy.
Hała‑kancert hramadska‑kulturnaj akcyi «My — biełarusy!» adbudziecca 7 vieraśnia ŭ Maskvie, paviedamiŭ karespandentu BIEŁTA namieśnik načalnika ŭpraŭleńnia mastactvaŭ Ministerstva kultury Biełarusi Aleh Hałkin.
Vystupleńnie biełaruskich artystaŭ projdzie na adkrytaj placoŭcy na Ćviarskoj vulicy. U Dzień Maskvy žychary rasijskaj stalicy i jaje hości zmohuć pačuć viadomyja chity «Pieśniaroŭ», Alaksandra Cichanoviča i Jadvihi Papłaŭskaj. Svaje pieśni pradstaviać i Piotr Jałfimaŭ, Iryna Darafiejeva, Hanna Šarkunova, a taksama lubimcy publiki, jakija pakaryli i sercy jeŭrapiejskich hledačoŭ, Ksienija Sitnik, Alaksiej Žyhałkovič i Andrej Kuniec.
U prahramie kancerta — vystupleńnie Zasłužnaha kalektyvu Respubliki Biełaruś Dziaržaŭnaha ansambla tanca, chareahrafičnaha ansambla «Vi‑za‑vi». Pierad kancertam biełaruskija hości ŭskładuć kvietki da pomnika Janki Kupały na Kutuzaŭskim praśpiekcie. Ministerstva kultury Biełarusi vystupiła arhanizataram hetaha śviata biełaruskaj pieśni ŭ rasijskaj stalicy. Aśviatlać jaho buduć Biełteleradyjokampanija i inšyja srodki masavaj infarmacyi krainy.
Krychu bolš jak praź miesiac — 12 kastryčnika — biełaruskaja tvorčaja delehacyja nakirujecca ŭ Kijeŭ.Tam u hałoŭnym kancertnym zale krainy «Ukraina» projdzie jašče adzin hała‑kancert akcyi «My — biełarusy!».
Płanujecca, što ŭ Vilniusie ŭ kastryčniku vystupić Nacyjanalny akademičny Vialiki teatr baleta Biełarusi. Litoŭskija hledačy ź nieciarpieńniem čakajuć sustrečy z suśvietnym brendam, jakim źjaŭlajecca biełaruski balet.
Mierapryjemstvy akcyi «My — biełarusy!» za miežami respubliki z pačatku hoda prajšli ŭ Sankt‑Pieciarburhu, Ryzie, Vilniusie, Hdańsku.