«Krambambula» apłaciła štrafy za pakaranych fanataŭ
Hurt «Krambambula» kampiensavaŭ sudovyja vydatki svaim prychilnikam — mienčukam Źmitru Navumienku i Ivanu Lisaŭcu.
Pra heta muzyki napisali na svajoj staroncy ŭ fejsbuku.
«Paviedamlajem: na schodzie atradu chutkaha razhortvańnia «Krambambula» było vyrašana kampensavać finansavyja straty (štraf) za ŭźniaty na kancercie bieł-čyrvona-bieły ściah partyzanam Ivanu i Źmitru. Što i było vykanana siońnia. Žyvie Biełaruś!».
7 žniŭnia sud Zavodzkaha rajonu Miensku prysudziŭ pa 10 bazavych vieličyń štrafu (230 rubloŭ) mienčukam Źmitru Navumienku i Ivanu Lisaŭcu, jakija na kancercie «Krambambuli» padčas piŭnoha festu «Chmialnoŭ» trymali ŭ rukach bieł-čyrvona-bieły-ściah.