KNDR pryhraziła rakietnym udaram pa bazie ZŠA na Huamie
Paŭnočnaja Kareja razhladaje mahčymaść rakietnaha ŭdaru pa vajennych abjektach ZŠA na vostravie Huam u zachodniaj častcy Cichaha akijana. Takim čynam KNDR adkazała prezidentu Donaldu Trampu, jaki paabiacaŭ abrynuć na paŭnočnakarejcaŭ «ahoń i hnieŭ» ZŠA, kali dziejańni Pchieńjana buduć pahražać Amierycy.
Vajennyja KNDR «staranna vyvučajuć» płan napadu z prymianieńniem rakiet siaredniaj dalokaści «Chvason-12», śćviardžajecca ŭ zajavie paŭnočnakarejskich vajskoŭcaŭ, apublikavanym Centralnym telehrafnym ahienctvam Karei (CTAK).
Jak havorycca ŭ zajavie sa spasyłkaj na pradstaŭnika karejskaj armii, «płan budzie pryviedzieny ŭ dziejańnie, jak tolki lidar Kim Čen Yn prymie rašeńnie».
Na vostravie Huam ŭ Cichim akijanie raźmieščany amerykanskaja avijabaza Andersan i vajenna-marskaja baza Apra-Charbar.