Śledstva nazvała dźvie asnoŭnyja viersii hibieli dvuch padletkaŭ pad Žodzinam
Pavodle adnoj ź viersij, chłopcaŭ začapiŭ ciahnik, bo ich cieły byli znojdzienyja kala čyhunačnych šlachoŭ. Pavodle druhoj — padletki sami zaskočyli na ciahnik, jaki ruchaŭsia, ale nie zmahli ŭtrymacca i ŭpali ź jaho. Pra heta paviedamili ŭ efiry telekanała «Biełaruś-1», piša Tut.by.
DKSE
Jak vyśvietlili ekśpierty, śmierć maładych ludziej nastupiła ŭ vyniku traŭmaŭ hałavy i cieła. Varyjant pramoha sutyknieńnia ź ciahnikom śledčyja vyklučajuć. Taksama całkam vyklučanaja viersija hvałtoŭnaj śmierci.
Nahadajem, 8 žniŭnia kala čyhunačnych rejek pad Žodzinam byli znojdzieny cieły dvuch vučniaŭ siaredniaj škoły 16 i 17 hadoŭ, žycharoŭ Smalavickaha rajona. Ranicaj ich zaŭvažyŭ adzin z supracoŭnikaŭ čyhunki.
Śledstva ŭžo vyśvietliła, što 7 žniŭnia niepaŭnaletnija raśpivali śpirtnoje, a kala 10 hadzin viečara nakiravalisia da čyhunačnaj stancyi: na rejkach i ŭžo kala čyhunki jany nieadnarazova stelefanoŭvalisia sa znajomymi.
Siemji i sami zahinułyja padletki charaktaryzujucca stanoŭča.