U mietro Piekina pačalisia vyprabavańni ciahnika, jaki lotaje z dapamohaj mahnitnaj paduški
Na hetym tydni ŭ Piekinie pačalisia vyprabavańni chutkasnaha ciahnika na pavietranaj padušcy, pryznačanaha dla miascovaha mietrapalitena.
Na dadzienym etapie ciahnik budzie kursiravać pa linii mietro S1, a daŭžynia adrezka čyhunačnaha pałatna, pabudavanaha pa technałohii mahnitnaj levitacyi, budzie składać usiaho 10 kiłamietraŭ.
Zaraz zajaŭlenaja maksimalnaja chutkaść ruchu ciahnika składaje 100 kiłamietraŭ za hadzinu, a adzin vahon moža źmiaścić da 150 čałaviek. Asnoŭnymi pieravahami ciahnika źjaŭlajucca praktyčna poŭnaja biasšumnaść pry ruchu i adsutnaść škody dla navakolnaha asiarodździa.
Sam ciahnik byŭ raspracavany kitajskaj kampanijaj CRRC Dalian pry ŭdziele ekśpiertaŭ Paŭdniova-zachodniaha transpartnaha ŭniviersiteta. U najbližejšyja płany ekśpiertaŭ uvachodzić pabudova novych čyhunačnych linij dla ruchu ciahnikoŭ na mahnitnaj padušcy, a taksama raspracoŭka ciahnikoŭ takoha typu, jakija mahli b raźvivać chutkaść da 600 kiłamietraŭ za hadzinu. Pavodle najaŭnaj infarmacyi, novyja ciahniki pavinny buduć źjavicca nie paźniej za 2020 hod, a novyja linii mietro źviažuć pryharady Piekina ź jaho centram.