Dyrektara pradpryjemstva padazrajuć u intymnaj suviazi z 14-hadovaj školnicaj
U stalicy zatrymany 36-hadovy žychar Minskaj vobłaści, jaki padazrajecca ŭ pałavych znosinach z 14-hadovaj školnicaj, paviedamlaje minskaja milicyja.
Mužčyna viedaŭ dziaŭčynu daŭno, bo žyŭ u susiednim ahraharadku. Dla sumiesnych sustreč jon pryvoziŭ paciarpiełuju ŭ zdymnuju kvateru pa Čyhładze. Taksama viadoma, što na pieršym časie dziaŭčyna chavała svoj sapraŭdny ŭzrost, adnak paźniej skazała praŭdu.
— U dačynieńni da zatrymanaha zaviedzienaja kryminalnaja sprava pa art.168 (Pałavyja znosiny i inšyja dziejańni seksualnaha charaktaru z asobaj, jakaja nie dasiahnuła šasnaccacihadovaha ŭzrostu). Jamu pahražaje pakarańnie da 5 hadoŭ pazbaŭleńnia voli, — raspavioŭ časovy v.a načalnika Frunzienskaha RUUS Minska padpałkoŭnik milicyi Alaksandr Pałulech. — Varta nahadać, što lubyja dziejańni seksualnaha charaktaru z asobaj, jakaja nie dasiahnuła 16-hadovaha ŭzrostu, niezaležna ad zhody kryminalna karalnyja.
Viadoma, što mužčyna raniej nie pryciahvaŭsia da kryminalnaj adkaznaści, pracavaŭ dyrektaram pradpryjemstva, jaki zajmajecca sielskahaspadarčymi ŭhnajeńniami.