U estonskich školnikaŭ źjaviacca dadatkovyja kanikuły, kab dzieci nie stamlalisia
Postimees
Ministerstva navuki i adukacyi Estonii ŭvodzić z novaha navučalnaha hoda ŭviesnu dadatkovyja vakacyi, kab aptymalna raźmierkavać navučalnuju nahruzku.
«U druhim paŭhodździ čverci na 10-15 dzion daŭžejšyja, čym u pieršym, i vyrastaje viasnovaja stomlenaść vučniaŭ i nastaŭnikaŭ. Dadatkovyja zimovyja vakacyi daduć mahčymaść adčuć viasnovuju radaść, a nie nudzicca», — tłumačyŭ hod tamu ministr Jurhien Lihi.
Za košt dadatkovych zimovych vakacyj, jany buduć nazyvacca «łyžnyja» (suusavaheaeg) navučalny hod stanie daŭžejšym prykładna na tydzień.
U adroźnieńnie ad Biełarusi vosieńskija kanikuły ŭ Estonii — na tydzień raniej (z 21 pa 29 kastryčnika), a zimovyja supadajuć (z 23 śniežnia pa 7 studzienia).
Dadatkovyja kanikuły buduć praciahvacca z 24 lutaha (u hety dzień Estonija adznačaje Dzień Niezaležnaści) pa 4 sakavika, a voś viasnovyja vakacyi buduć doŭžycca z 21 krasavika pa 1 maja.
Navučalny hod u Estonii skončycca 11 červienia 2018 hoda