Pasolstva ZŠA ŭ Rasii bolš nie budzie prymać zajavy na vizy ad biełarusaŭ
Pasolstva ZŠA ŭ Maskvie i konsulstva ŭ Sankt-Pieciarburhu admianiajuć pryjom zajaŭ na atrymańnie viz ad hramadzian Respubliki Biełaruś. Pra heta paviedamlaje pres-słužba pasolstva.
«Sumoŭi dla hramadzian Respubliki Biełaruś, jakija padali zajavu na nieimihracyjnuju vizu ZŠA i ŭžo apłacili konsulski zbor, buduć pieranaznačanyja», — skazana ŭ paviedamleńni.
Hramadzianam našaj krainy rekamiendujuć źviarnucca dla prachodžańnia sumoŭjaŭ dla atrymańnia nieimihracyjnych vizaŭ u pasolstvy ZŠA ŭ Varšavie, Kijevie ci Vilni.
***
Raniej pasolstva ZŠA ŭ Rasii abviaściła, što z 23 žniŭnia 2017 hoda prypyniajecca vydača nieimihracyjnych vizaŭ u rasijskich rehijonach. Heta źviazana z abmiežavańniem kolkaści supracoŭnikaŭ dypmisii, jakoha zapatrabavała Maskva ŭ adkaz na amierykanskija sankcyi.
Z 1 vieraśnia sumoŭja dla vydačy vizaŭ buduć pravodzicca tolki ŭ pasolstvie ŭ Maskvie. Z 21 žniŭnia pačniecca admiena sumoŭjaŭ, naznačanych u konsulstvach u Sankt-Pieciarburhu, Jekaciarynburhu i Uładzivastoku.
Abmiežavańni zachavajucca da taho času, pakul dziejničaje režym skaračeńnia štata dypmisii. Konsulskija zbory za vizy buduć dziejničać na praciahu hoda.